भोटेकोशी बाढी : १३ हजारभन्दा बढीको उद्धार, १ हजार २८७ शव सङ्कलन, ५ हजारभन्दा बढी अझै बेपत्ता

काठमाडौं– रसुवाको भोटेकोशीमा आएको बाढीका कारण प्रभावित १३ हजार ९३ जनाको उद्धार गरिएको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार आज दिउँसोसम्म उक्त सङ्ख्यामा प्रभावितको उद्धार गरिएको हो।

प्राधिकरणका अनुसार बाढीपहिरो प्रभावित क्षेत्रबाट हालसम्म १ हजार २८७ जनाको शव सङ्कलन गरिएको छ भने ५ हजार ८३ जना अझै सम्पर्कविहीन छन्।

बाढी तथा पहिरोमा परी घाइते भएका ५ हजार ३९७ जनाको विभिन्न अस्पतालमा उपचार भइरहेको प्राधिकरणले जनाएको छ।

यस्तै, नुवाकोट, धादिङ र रसुवामा रहेका होल्डिङ सेन्टरमा ४ हजार ५२१ जनालाई राखिएको छ। प्रभावित क्षेत्रमा उद्धार, खोजी तथा राहत कार्यका लागि २१ हजार ४२१ जना सुरक्षाकर्मी परिचालन गरिएको छ।

भोटेकोशी बाढीपछि प्रभावित क्षेत्रमा नेपाली सेना, नेपाल प्रहरी र सशस्त्र प्रहरीसहितका सुरक्षा निकायले खोज तथा उद्धारलाई निरन्तरता दिइरहेका छन्। सम्पर्कविहीनको सङ्ख्या ठूलो रहेकाले खोज तथा उद्धार कार्यलाई थप तीव्र बनाइएको छ।