काठमाडौं– श्रम संस्कृति पार्टीका सांसद ध्रुवराज राईले आफ्नो दललाई राष्ट्रिय स्वतन्त्र पार्टी (रास्वपा) पछिको बलियो राजनीतिक विकल्पका रूपमा हेरिन थालेको बताएका छन्।
आइतबार बागमती प्रदेश सभाले आयोजना गरेको बृहत् पार्टी प्रवेश तथा हातेमालो कार्यक्रमलाई सम्बोधन गर्दै सांसद राईले देशमा वैकल्पिक राजनीतिक शक्तिको आवश्यकता बढ्दै गएको दाबी गरे।
उनले पछिल्लो समय विभिन्न क्षेत्रबाट श्रम संस्कृति पार्टीमा प्रवेश गर्नेको संख्या बढिरहेको उल्लेख गर्दै जनताको अपेक्षा र भावनालाई बुझेर पार्टी अघि बढिरहेको बताए।
सांसद राईले पुराना राजनीतिक दलप्रति जनतामा बढ्दै गएको असन्तुष्टिलाई सम्बोधन गर्न नयाँ राजनीतिक शक्तिहरूले जिम्मेवार भूमिका निर्वाह गर्नुपर्ने धारणा राखे। देशमा समृद्धि, सुशासन र राजनीतिक परिवर्तनका लागि वैकल्पिक शक्तिहरूले स्पष्ट दृष्टिकोणसहित अघि बढ्नुपर्ने उनको भनाइ थियो।
कार्यक्रममा विभिन्न राजनीतिक दल तथा समूह परित्याग गरी नयाँ सदस्यहरू श्रम संस्कृति पार्टीमा प्रवेश गरेका थिए।
श्रम संस्कृति पार्टी २०२५ मा गठन भएको नयाँ राजनीतिक दल हो र २०२६ को प्रतिनिधिसभा निर्वाचनपछि प्रतिनिधिसभामा सात सिटसहित पाँचौँ ठूलो दल बनेको विवरण उपलब्ध छ।
