जल तथा मौसम विज्ञान विभागअन्तर्गतको बाढी पूर्वानुमान महाशाखाले आज काठमाडौँ उपत्यकासहित विभिन्न जिल्लाका साना नदीहरूमा बाढीको जोखिम रहेको जनाएको छ।
महाशाखाले जारी गरेको बाढी पूर्वानुमान बुलेटिनअनुसार आज काठमाडौँ, भक्तपुर, ललितपुर र काभ्रेपलाञ्चोक भई बहने साना नदीहरूमा जलसतह उल्लेख्य बढ्नेछ। यी जिल्लाका नदीहरूमा आकस्मिक बाढीको उच्च जोखिम रहेको छ।यसैगरी ताप्लेजुङ, झापा, धनकुटा, संखुवासभा, सोलुखुम्बु, उदयपुर, दोलखा, सिन्धुपाल्चोक, रसुवा, नुवाकोट, धादिङ र मकवानपुरका साना नदीहरूमा पनि बाढीको मध्यम जोखिम छ। गोरखा, लमजुङ, तनहुँ, कास्की, पर्वत, म्याग्दी, स्याङ्जा, पाल्पा, गुल्मी, चितवन, नवलपरासी पूर्व र नवलपरासी पश्चिम आसपासका साना नदीहरूमा पनि जलसतह बढेर आकस्मिक बाढी आउने मध्यम सम्भावना रहेको छ।
१८ साउन २०८३, सोमबार १२:२६ मा प्रकाशित
